वि.सं. २०८३ साल जेठ १५ गते सूर्योदय नगरपालिका, इलाममा लुङखिम भाषाको कक्षा सञ्चालनसम्बन्धी स्रोत सामग्री हस्तान्तरण एवम् अभिमुखीकरण कार्यक्रम सम्पन्न भयो । भाषा आयोगको आयोजनामा भएको उक्त कार्यक्रमको सभापतित्व भाषा आयोगका माननीय सदस्य मातृका पोखरेलले गर्नु भएको थियो । सूर्योदय नगरपालिकाका का.वा. मेयर दुर्गाकुमार बरालको प्रमुख आतिथ्यमा भएको कार्यक्रमको सह आयोजक लुङ्खिम राई समाज रहेको थियो ।
कार्यक्रममा भाषा आयोगले प्रबर्द्धन गरेको पाठ्यसामग्री भाषा आयोगका सदस्य मातृका पोखरेलले लुङ्खिम राई समाजका अध्यक्ष अरुण कुमार राईलाई संयुक्तरूपमा हस्तान्तरण गर्नुभयो ।
पाठ्यसामाग्री हस्तान्तरण कार्यक्रममा सूर्योदय नगरपालिका वडा नं. ११ का वडा अध्यक्ष सन्तोष राई, वान्तवा भाषाका भाषिक अभियन्ता रमेश कुमार राई, लुङ्खिम राई समाज नेपालका पूर्व अध्यक्ष जङ्ग बहादुर राई, लुङ्खिम राई समाज नेपालका पूर्व सचिव पूर्ण बहादुर राई , नरहरी राईले आ-आफ्ना धारणा प्रस्तुत गर्नुहुँदै शुभकामना व्यक्त गर्नुभएको थियो ।
कार्यक्रममा भाषा आयोगका उपसचिव गोविन्द पौडेलले कार्यक्रमको औचित्यतामाथि प्रकाश पार्नु भएको थियो ।
ooo
 |
No comments:
Post a Comment