इलाममा नारीकथा लेखन सम्बन्धी गोष्ठी सम्पन्न

नेपाल प्रज्ञा–प्रतिष्ठानसँगको सहकार्यमा रमाकृष्ण सिर्जना प्रतिष्ठानको आयोजना र भानु प्रतिभा संरक्षण तथा साहित्य सम्बद्र्धन समितिको सहयोगमा यही २०७१ साल चैत्र १७ गते इलाममा समकालीन नेपाली नारी कथाकारहरु र लेखन प्रवृत्ति विषयक गोष्ठी सम्पन्न भयो । साहित्यकार लक्ष्मी उप्रेतीले प्रस्तुत गर्नु भएको उक्त गोष्ठीपत्र माथि साहित्यकार केदार शर्माले टिप्पणि गर्नु भएको थियो । 

स्थानीय संस्था भानु प्रतिभा संरक्षण तथा साहित्य संबद्र्धन समितिका अध्यक्ष विमल वैद्यको सभापतित्वमा भएको उक्त कार्यक्रमको प्रमुख आतिथ्यता वरिष्ठ स्रष्टा माधव भण्डारीले गर्नु भएको थियो । इलामका अग्रज व्यक्तित्व युद्धप्रसाद बैद्यलाई सम्मान गरिएको उक्त कार्यक्रममा काठमाडौँबाट सहभागी भएका स्रष्टाहरु जलेश्वरी श्रेष्ठ, जयदेव भट्टराई, तुलसीहरी कोइराला, रामप्रसाद पन्त, डा. दुर्गाप्रसाद दाहाल, ठाकुर शर्मा, ललिता दोषी र स्थानीय स्रष्टाहरु प्रवेश शर्मा, अन्वेष राई, प्रतिमा पौडेल, डिवी इलामे, दिवाकर भण्डारी, सिर्जना राई, झरना राई, डा. देवी क्षेत्री दुलाल, शिव अधिकारी देवी भट्टराई लगायतले रचना वाचन गर्नु भएको थियो । 

कार्यक्रमका विशेष अतिथिहरु नेपाल साहित्यिक पत्रकार सङ्घका सभापति रोचक घिमिरे, रमाकृष्ण सिर्जना प्रतिष्ठानका अध्यक्ष महेन्द्र गुरुङ र नेपाल प्रज्ञा–प्रतिष्ठान प्राज्ञ परिषद्का सदस्य तथा गद्य आख्यान विभागका प्रमुख मातृका पोखरेलले समकालीन साहित्यका बारेमा आ–आफ्ना विचारहरु प्रस्तुत गर्नु भएको थियो ।

000