भाषा आयोगका सदस्य माननीय उषा हमाललाई वि.सं . २०८१ कार्तिक २५ गते आयोगको सभाकक्षमा आयोजित एक समारोहमा विदाइ कार्यक्रम आयोजना गरियो । भाषा आयोगका अध्यक्ष माननीय गोपाल ठाकुरको अध्यक्षतामा भएको उक्त कार्यक्रममा सदस्यहरू माननीय कृष्ण प्रसाद न्यौपाने, माननीय मातृका पोखरेल, आयोगका का. मु . सचिव डा. लोक बहादुर लोप्चनले उहाँको विदाइमा मन्तव्य राख्दै सदस्य हमालको बाँकी जीवन अझै सिर्जनशील बनोस् भन्ने कामना गर्नु भयो । भाषा आयोगका अध्यक्ष माननीय गोपाल ठाकुरले उपहार र सम्मानपत्र प्रदान गर्नुभयो । कार्यक्रममा माननीय सदस्य हमालले भाषा आयोगमा आएपछिका चुनौति हरुका बारेमा आफ्ना विचारहरू राख्नुहुँदै पदाधिकारी एवम् सम्पूर्ण कर्मचारीहरुमा धन्यवाद ज्ञापन गर्नुभयो । सदस्य हमालले कर्णाली प्रदेशबाट भाषा आयोगमा प्रतिनिधित्व गर्नुभएको थियो । उहाँको कार्यकाल २०८१ साल कार्तिक १८ गते समाप्त भएको थियो ।
कार्यक्रमको संचालन कानून अधिकृत पुनम काफ्लेले गर्नुभएको थियो ।
000
No comments:
Post a Comment