महिला पुस्तक प्रदर्शनी- २०८१ मा 'मैले चिनेको पारिजात' संवाद शृंखला आयोजना
पारिजात स्मृति केन्द्रको आयोजना र फिनिक्स बुक्सको संयोजनमा आयोजना गरिएको महिला पुस्तक प्रदर्शनी - २०८१ को काठमाण्डौं महानगरपालिका उपप्रमुख सुनिता डङ्गोलले वैशाख ११ गते उद्घाटन गर्नुभयो । पारिजात स्मृति केन्द्रका अध्यक्ष मातृका पोखरेलको अध्यक्षतामा भएको उक्त उद्घाटन कार्यक्रममा प्रदर्शनीको औचित्यमाथि केन्द्रका उपाध्यक्ष इन्दिरा दलीले साहित्यकार पारिजातकै संयोजनमा वि.सं. २०४२ साल चैत्र १ गते देखि ७ गतेसम्म सञ्चालन भएको पहिलो महिला पुस्तक प्रदर्शनीको स्मरण गर्नुहुँदै यस प्रदर्शनीले महिला साहित्यकारहरुमा असल र गुणस्तरीय कृति लेख्ने उत्प्रेरणा जागृत गर्न योगदान पुग्ने विश्वास व्यक्त गर्नुभयो । कार्यक्रमका प्रमुख अतिथि उपमेयर सुनिता डंगोलले महिला लेखकहरुको यो प्रकारको सहभागिताले आफू पनि उत्साहित भएको छु भन्नुभयो । पारिजात स्मृति केन्द्रका यस प्रकारका गतिबिधिलाई आफूले निरन्तर सहयोग गर्ने बचनवद्धता व्यक्त गर्नुभयो । धन्यवाद मन्तव्य राख्नुहुँदै कार्यक्रमका संयोजक फिनिक्स बुक्सका प्रमुख गणेश सुबेदीले अत्यन्तै छोटो समयमा यो कार्यक्रम आयोजना गर्नु परे पनि महिला लेखकहरुको उत्साहजनक सहभागिताले आफू पनि उत्साहित भएको धारणा राख्नुभयो ।
000
पहिलो दिनको प्रदर्शनीमा 'मैले चिनेको पारिजात' अन्तरसम्बादको ऋङ्खला - १ मा डा. राजेन्द्रप्रसाद अधिकारी र शान्ती कुमारी राई ऋङ्खला - २ मा रघुजी पन्त र इन्दिरा दलीले पारिजातसँग सम्झना र पारिजातको नेपाली साहित्यमा पुऱ्याउनु भएको योगदानको विविध कोणबाट चर्चा र विश्लेषण गर्नुभयो । पहिलो दिनको दुवै चरणको कार्यक्रमको संचालन विन्दु शर्माले गर्नुभएको थियो ।
पुस्तक प्रदर्शनी २०८१ वैशाख ११ गते देखि १५ गतेसम्म राष्ट्रिय सभागृह, प्रदर्शनीमार्गमा संचालन हुने छ ।
000
---------------------------------------------
महिला पुस्तक प्रदर्शनीको दोस्रो दिन
अर्थात २०८१ बैसाख १२ गते
'मैले चिनेको पारिजात' अन्तरसम्बादको ऋङ्खला - १ मा पम्फा भुषाल र आहुतिले पारिजातको जीवन, राजनीति, सिर्जना र संघर्षका विविध आयाम बारे धारणा राख्नुभयो ।
'मेरो पार्टीको नेताले मलाई पहिलोपटक पारिजात भनेको बाइफाले आइमाइ हो भनेर सिकायो' भन्नुहुँदै साहित्यकार आहुतिले पारिजात श्रमिक वर्गको असल पथप्रदर्शक हुनुहुन्थ्यो भन्नुभयो । पारिजातलाई साहित्यकारसँगसँगै राजनैतिक नेताको रूपमा पनि बुझ्नुपर्छ भन्नुहुँदै नेत्री पम्फा भुसालले पारिजातको विचार र सिर्जनालाई नयाँ पुस्ताले पनि ग्रहण गर्नुपर्ने धारणा राख्नुभयो ।पहिलो चरणको कार्यक्रमको संचालन अमृता शर्माले गर्नुभएको थियो ।
। कार्यक्रमको दोश्रो चरणमा 'महिला लेखन कठिनाइ र सम्भावनाका बारेमा छलफल भएको थियो । उक्त छलफलमा सुलोचना मानन्धर , धनकुमारी सुनार र कैलाश राईले भाग लिनुभएको थियो ।कार्यक्रमको संचालन विमल आचार्यले गर्नुभएको थियो ।
महिला आन्दोलनको क्षेत्रमा स्थापित पत्रिका 'अस्मिता' को नयाँ अङ्क महिला पुस्तक प्रदर्शनीको अन्तिम दिन संस्कृति, पर्यटन तथा नागरिक उड्डयन मन्त्रालयका माननीय मन्त्री हितबहादुर तामाङले विमोचन गर्नुभयो । कार्यक्रममा पत्रिकाका सम्पादक कुमारी लामाले मन्तव्य राख्नुभएको थियो । डा. गीता त्रिपाठी , लक्ष्मी रुम्बा , कुमारी लामा सम्पादक रहनु भएको उक्त पत्रिकाको प्रकाशक डा. महेश मास्के हुनुहुन्थ्यो । 'अस्मिता' पत्रिका प्रकाशनको आरम्भमा साहित्यकार पारिजातको मेरो भागमा परेको 'अस्मिता' स्तम्भ निकै चर्चित थियो । विमोचन समारोहको संचालन डा. विन्दु शर्माले गर्नुभएको थियो ।
000
महिला पुस्तक प्रदर्शनीसमापन समारोह
पारिजात स्मृति केन्द्रको आयोजना र फिनिक्स बुक्सको संयोजनमा राष्ट्रिय सभागृह, प्रदर्शनीमार्गमा भइरहेको महिला पुस्तक प्रदर्शनीको २०८१ वैशाख १५ गते समापन भएको छ । पारिजात स्मृति केन्द्रका अध्यक्ष मातृका पोखरेलको सभापतित्वमा भएको समापन समारोहमा संस्कृति, पर्यटन तथा नागरिक उड्डयन मन्त्रालयका माननीय मन्त्री हितबहादुर तामाङ प्रमुख अतिथि हुनुहुन्थ्यो । महिला पुस्तक प्रदर्शनीका बारेमा जानकारी दिनुहुँदै स्मृति केन्द्रका उपाध्यक्ष इन्दिरा दलीले प्रदर्शनीमा पाँचसय भन्दा बढी महिला लेखकहरुको सहभागिता रहेको जानकारी दिनुभयो । प्रदर्शनीका संयोजक एवम् फिनिक्स बुक्सका प्रमुख गणेश सुबेदीले सबैलाई धन्यवाद ज्ञापन गर्नुभयो । प्रमुख अतिथि माननीय संस्कृति, पर्यटन तथा नागरिक उड्डयन मन्त्रालयका मन्त्री हितबहादुर तामाङले पारिजात स्मृति केन्द्रको भौतिक आवश्यकता पुरा गर्न आफू लागिपर्ने जानकारी दिनुभयो । कार्यक्रमको संचालन पारिजात स्मृति केन्द्रका कोषाध्यक्ष डा. विन्दु शर्माले गर्नुभएको थियो ।
सम्झना र पारिजातको नेपाली साहित्यमा पुऱ्याउनु भएको योगदानको विविध कोणबाट चर्चा र विश्लेषण गर्नुभयो । पहिलो दिनको दुवै चरणको कार्यक्रमको संचालन विन्दु शर्माले गर्नुभएको थियो । 
कार्यक्रमको दोश्रो चरणमा 'महिला लेखन कठिनाइ र सम्भावनाका बारेमा छलफल भएको थियो । उक्त छलफलमा सुलोचना मानन्धर , धनकुमारी सुनार र कैलाश राईले भाग लिनुभएको थियो ।कार्यक्रमको संचालन विमल आचार्यले गर्नुभएको थियो । 
No comments:
Post a Comment