यही २०८१ साल कार्तिक ९ गते प्रगतिशील लेखक सङ्घले पूर्व का.वा. अध्यक्ष तथा साहित्यकार प्रा. रामहरि पौडेलको स्मृतिमा एक श्रद्धाञ्जलिसभाको आयोजना गऱ्यो । सङ्घका अध्यक्ष डा. मधुसुदन गिरीको अध्यक्षतामा सम्पन्न भएको उक्त श्रद्धाञ्जलिसभामा प्रगतिशील लेखक सङ्घका पूर्व अध्यक्षद्वय मातृका पोखरेल र प्रा.डा. जीवेन्द्रदेव गिरीले पौडेलको व्यक्तित्व र कृतित्वका विभिन्न आयामका बारेमा चर्चा गर्नु भयो । उहाँहरूले साहित्यकार पौडेलको प्रगतिशील साहित्यिक आन्दोलनको अभियान र सिर्जना दुवै क्षेत्रमा महत्वपूर्ण योगदान रहेको चर्चा गर्नुभयो ।
कार्यक्रमका सभापति एवं सङ्घका अध्यक्ष डा. मधुसुदन गिरीले साहित्यकार पौडेलको सम्मानमा प्रलेसको आगामी अङ्क "रामहरी पौडेल विशेषाङ्क" का रूपमा प्रकाशित गर्ने जानकारी गराउनु भयो । कार्यक्रमको संचालन सङ्घका उपाध्यक्ष नमुना शर्माले गर्नुभएको थियो ।
000
No comments:
Post a Comment