झापा । स्वीकारोक्ति फाउन्डेसनले नेपाली साहित्यका मुर्धन्य व्यक्तित्व लीलबहादुर क्षेत्रीलाई ६ लाख नेपाली नगद राशिसहित स्वीकारोक्ति सिद्धि पुरस्कारबाट पुरस्कृत गरेको छ।
स्वीकारोक्ति फाउन्डेसनले संचालन गरेको स्वीकारोक्ति विश्व यात्रा २०२३ अभियान अन्तर्गतको यात्रा भारतको गुवाहाटी पुगेर क्षेत्रीलाई नगद सहित सम्मान गरेको हो।
‘अस्तित्वहरुको न्यायिक सम्बोधन’ भन्ने मुल बिचार बोकेर विभिन्न सामाजिक कार्यहरु गर्दै आएको स्वीकारोक्ति फाउन्डेसन अमेरीकाले बिहीबार गुवाहाटीको प्रराग कन्टिनेट्ल सभाहलमा नेपाल प्रज्ञा प्रतिष्ठानका उपकुलपति विमल निभाको प्रमुख आतिथ्य तथा स्वीकारोक्ति दर्शनका प्रवर्तक डेन्जोम साम्पाङ र स्विकारोक्ति फाउन्डेसन अन्तर्राष्ट्रिय सम्पर्क ,समन्वय तथा कार्यक्रम आयोजना प्रमुख कर्ण गुरुङको विशेष आतिथ्यतामा नेपाली साहित्यका साधक लिलबहादुर क्षेत्रीलाई नेपाली राशी छ लाख स्वीकारोक्ति सिध्दि पुरस्कार हस्तान्तरण गरिएको हो।
स्वीकारोक्ति फाउन्डेसनको ११ औ बार्षिक उत्सवको अवसरमा आयोजना भएको यस विश्व यात्रा २०२३ नेपालको झापा बेलडाँगीबाट सुरु भइ नेपालका विभिन्न शहरमा कार्यक्रम गर्दै भारतको दार्जिलिङ, सिक्किम हुदै गुवाहाटी पुगेको र कार्यक्रमको समापन मंसिर २८ र २९ गते साहित्यीक तथा युवा शैक्षिक शिखर सम्मेलन आयोजना गरि काठमाडौँमा गरिने स्वीकारोक्ति दर्शन टोलीका सदस्य दिलिप घिमिरेले जानकारी दिए।
अस्तित्वहरुको न्यायिक सम्बोधन भन्ने मूल विचार र मान्यता बोकेर विगत एघार वर्षदेखि निरन्तर अस्तित्वहरूको न्यायिक सम्बोधन र मानव चेतना अभिवृद्धिको निम्ति सञ्चालित एक गैरराजनीतिक, गैरधार्मिक, गैरनाफामुखी, संस्था भएको कर्ण गुरुङले बताए । स्वीकारोक्ति फाउन्डेसन र स्वीकारोक्ति अभियानको यो एघारौं वार्षिकोत्सवको उपलक्ष्यमा खुसी,शान्ति र सद्भाव फैलाउने विशेष उद्देश्यका साथ स्वीकारोक्ति विश्व यात्रा २०२३ आयोजना गरिएको गुरुङको भनाई थियो ।
सम्मान समारोह कार्यक्रममा फाउन्डेसनका विशिष्ट सल्लाहकार समालोचक प्राडा गोविन्दराज भट्टराई ,भाषा आयोग नेपालका मातृकाप्रसाद पोखरेल,सिक्किम साहित्य सभाका अध्यक्ष डा राजकुमार क्षेत्री ,साहित्यकार डा छत्रमान सुब्बा ,साहित्यकार डा इन्दुप्रभा देवी ,स्विकारोक्ति फाउन्डेसनका अभियान्ताहरु आभास रिखम मगर,पातलो अन्तरे,शेखर कोईराला,दियालो शुसन माझी ,नेत्र आचार्य ,अर्जुन उप्रेती ,शिला उप्रेती ,बालगोपाल गौतम ,गजलकार विवश बलिभद्र कोईराला,खगिन्द्रा खुशी लगायतको उपस्थिति रहेको थियो ।
सम्मानित साहित्य साधक लिलबहादुर क्षेत्रीले स्वीकारोक्ति दर्शनको माध्यमबाट नेपाली जातिलाई एउटै मालामा उनेर एक अर्कोको अस्तित्व स्वीकार गर्न सन्देश छर्दै हिडेका स्वीकारोक्ति दर्शनका अभियान्ताहरुलाई शुभकामना व्यक्त गरे।
लिलबहादुर क्षेत्री फाउन्डेसनका अध्यक्ष डा शिवनाथ शर्माको सभापतित्वमा सम्पन्न भएको कार्यक्रमको सञ्चालन डा खगेन्द्र शर्मालेले गरेका थिए।
ooo
sajhamanch.com बाट साभार
देवकोटा लुसुन प्रज्ञा प्रतिष्ठानको तर्फबाट तीन कार्यपत्र प्रस्तुत |
असामान्य,गुवाहटीस्थित North East Aashirvad Foundation को आयोजनामा 2023 December को 8 देखि 12 सम्म भएको 2nd South East Asian Cultural Confluence 2023 को अवसरमा देवकोटा लुसुन प्रज्ञा प्रतिष्ठानको तर्फबाट अध्यक्ष - सुनिल कुमार पौडेल, पूर्व अध्यक्ष - निनु चापागाईं, उपाध्यक्ष - मातृका पोखरेल, महासचिव- सीता शर्मा, कोषाध्यक्ष- कृष्ण प्रसाईं र कार्यसमिति सदस्य जीवन शर्मासहित नेपाल प्रज्ञा -प्रतिष्ठानका उपकुलपति विमल निभा र साहित्यकार सिर्जना शर्मा सहभागी हुनुहुन्थ्यो । कार्यक्रमको चौथो दिन अर्थात 10 तारिखमा University of Science & Technology Baridua, Meghalaya मा आयोजना भएको कार्यकममा विभिन्न देशका सहभागीहरूबाट सोह्र (१६) कार्यपत्र प्रस्तुत भएका थिए । त्यसमध्ये देवकोटा लुसुन प्रज्ञा प्रतिष्ठानको तर्फबाट तीनवटा कार्यपत्रको प्रस्तुति भएको थियो । कार्यक्रममा निनु चापागाईंको Some Dimensions of literary thinking of Great Poet Laxmi Prasad Devkota, सुनिल कुमार पौडेलको Trend of nepali Literature र मातृका पोखरेल र सीता शर्माको Present Status of Languages of Nepal विषयक कार्यपत्रहरू थिए ।
कार्यक्रमका बारेमा विभिन्न सामाजिक संजालबाट
No comments:
Post a Comment